سلسله الغموض

انا ادهم عبدالرحمن 28 سنه باحث فى علم الغيبيات و القصص الغامضه اللى لحد دلوقتى ملهاش تفسير مثبت فى بدايه شغلى اتعرضت لمشاكل كتير جدا انا كنت صحفى فى جريده مشهوره جدا بس اترفدت بحجه ان الرحلات اللى بعملها و الاماكن اللى بروحها بتشوه سمعه الجريده و بتمحى الضمير المهنى و خصوصا الفتره الاخيره و فعلا سبت الجريده ورحت قعدت فى شقتى فى اسكندريه لحد ما جالى تليفون بالليل من سليمان زميلى اللى شغال فى الجريده و قالى " الحقنى يا ادهم انا خلاص بموت " طبعا بعد ما جالى التليفون ده استنيت لحد الصبح و نزلت مصر بسرعه و جريت على شقته لكن ملقتوش لقيت ناس بيعزوا كان خلاص مات و لقيت اخوه راقد فى السرير هو كمان و مكنش قادر يتكلم و ادانى ورقه مكتوب فيها حبه اسامى على عناوين على تواريخ بصراحه مفهمتش ايه ده و عزيت و مشيت و اول ما وصلت اسكندريه جالى تليفون انه اخو سليمان اللى ادانى الورقه مات بعد ما مشيت بنص ساعه معرفتش افسر الموضوع غير انها صدفه مش اكتر او انه مرض معين و فتحت الورقه اللى ادهالى كان مكتوب فيها بالنص
1- عائله سيد الهيلالى 1886
2- عائله رمضان جاد الله 1914
3- عائله عصمت التركى 1947
4- عائله احمد سعيد الشرقاوى 1994
5- عائله سليمان عبد الرازق 2015
و كان جمب كل عائله عنوانهم وصورهم كلها استغربت لما لقيت زميلى سليمان مكتوب فى الورقه دى و ليه التواريخ القديمه موجوده مع الاسامى مكنش فيه غير تفسير واحد ان العائلات دى كلها وراهم حاجه سواء كانو عايشين او ميتين كان لازم اعرف اسمهم جيه فى الورقه ليه و يا ترى سليمان الله يرحمه كان عايزنى اعرف ايه بالظبط و قررت انى اروح على اول اسم عائله سيد الهلالى البيت كان فى المنصوره و مكنش زى ما انا متوقع بيت مهجور محدش بيسكنه لا ده كان بيت ابيض مكون من دورين و جديد و كان في ناس ساكنه فيه استغربت و خبطت ع الباب و لقيت راجل كبير فاتحلى الباب .... ده هو ده سيد الهلالى اللى اسمه فى الورقه و صورته كمان بصلى و ضحك و قالى " سليمان " فى اللحظه دى جريت بسرعه من البيت وقعدت اجرى بس لقيته فى وشى و فجاه لقيت نفسى فى البيت تانى مش عارف ازاى و لقيت اربع كائنات طالعين من الحيطه و حاصرونى فى دايره صغيره معرفتش اخرج منها قالى " انا مش سيد الهلالى سيد مات من سنه 1886 " قولتلوه طب الصوره اللى كانت فى الورقه جمب اسمه مش صورته قالى " اه صورته بس فيه فرقه كبير اوى بينه و بينى " وفجأه شكله اتغير ووشه اسود جدا و بقى عباره عن كائن اسود ملوش ملامح و لقيته بيزحف ع الارض و جاى عليا وبيقولى " انت دخلت السلسله خلاص و هتحصل صاحبك قريب " و بسرعه طلعت المصحف و غمضت عينى كل اللى سمعته بعد كده كان صريخ من كل ناحيه و صوت دب من كل ناحيه بس مستنتش قعدت اجرى لحد ما خرجت من البيت بس اول ما خرجت و بعدت عن البيت لقيت البيت عباره عن حطام و ببص ورايا لقيت واحد بيجرى عليا و بيشدنى وبيقولى " انت مجنون انت عايز تموت انت دخلت هنا ازاى من غير ما حد يوشفك " قولتلوه هو المكان ده فيه ايه بالظبط قالى " المنطقه دى ماحدش بيعتبها يجى اكتر من 100 سنه حتى اللى بيعدى من عندها مبيرجعش تانى كويس انى لاقيتك يلا بينا نمشى من هنا بسرعه " وفعلا مشينا و انا روحت اسكندريه و لسه مش مستوعب اللى حصلى خدت قرار انى هحرق الورقه دى و واضح ان الموضوع اكبر من انى ممكن احله او افهمه و فعلا حرقت الورقه دى و نمت و لما صحيت لقيت الورقه على مكتبى تانى زى ما هيا و كان عليها جمله زياده مكتوبه بالدم ( لازم تكمل السلسله ) و لقيت بنت صغيره طالعه من الحمام و جايه عليا و وشها ارزق و عينيها كانت بيضا كانت واقفه بعيد بس فى لحظه لقيتها جمب وشى جسمى كله اتشل مش عارف اتحرك و همست فى ودنى و قالتلى " السادس السادس " و رحت مسكه رقبتى و قعدت تخنق فيا حسيت ان جسمى كله بيتحرق و لقيت الراجل اللى اسمه سيد الهلالى جاى من وراه و قاعد يقولى " البيت روح البيت " و اختفو مكنش قدامى غير انى اروح البيت بتاعهم و اشوف هما عايزين منى ايه و فعلا روحت المنطقه اللى موجود فيه البيت و لقيت البيت مهدود لكن لما قربت اكتر لقيته رجع بقى جديد و لونه ابيض و لقيت البنت الصغيره واقفه فى شباك الدور التانى لكن مدخلتش و كنت جايب معايا بنزين و دلقتو ع البيت من بره حرقت البيت و جريت و لقيت البنت الصغيره عماله تصرخ و الراجل اللى اسمه سيد الهلالى بيتحرق و جريت بكل قوتى و روحت اسكندريه و بصيت ع الورقه ملقتش اسم سيد الهلالى و لا صورته لكن الاربع اسامى التانيين موجودين فى الورقه و اول ما دخلت شقتى لقيت سيد الهيلالى واقف فى نص الصاله و عمال يضحك و البنت الصغيره واقفه ورايه ووشها كله غضب قالى " انت فاكر انك عشان حرقت البيت يبقى كده خلصت مننا انت هتحصل سليمان دلوقتى او بعدين انت دخلت السلسه خلاص " و لقيت البنت بتقرب عليا و صوت كان بيقطع جمب ودانى و عماله تقولى " السادس " و اديتنى ازازه صغير و جواها ورقه و جاى ببص عليها ملقتهاش و ملقتش الراجل اللى اسمه سيد الهيلالى فتحت الازازه دى و طلعت الورقه كان مكتوب فيها طلاسم و فى نص الورقه مكتوب اكسر السلسه او انضم اليها و ساعتها قررت انى اروح للعيله اللى بعد عيله سيد الهيلالى عائله رمضان جاد الله العيله اللى ماتت سنه 1914 لازم اكسر السلسله و الا هكون معاهم
انتظروا البقيه فى الجزء الثانى من سلسه الغموض