انتقام العائله

+18 واجب التنبيه 

انا غير مسئول عن نتيجة قرائتك لهذه القصه واذا لم يحدث لك شىء فاحزر الايام قادمه

انا محتار مش عارف احكى ايه واخبى ايه ولا عارف ابدا منين لاكن لا انا مش هخبى حاجه وهحكى كل حاجة ذى ما حصلت وزى ما نبهت فى الاول وهنبه تانى .. لو انتا بتقراء الكلام ده ممكن اللى يحصلك انك تصيب بالزهول لاكن بقى لو انتا بتسمع الكلام ده وبالتحديد قلعد فى بيتك يبقى بعد نهاية القصه متلومش غير نفسك فقط اللهم بلغت اللهم فشهد

ابداء التفاصيل ... قصتى ولا فيها جن ولا فيها عفاريت ولا خرافات ولا اى حاجه من الكلام ده يعنى متخفش مش هيجيلك عفاريت فى منامك لاكن هتصاب باوحش من كده هتصاب بعدم الاتذان النفسى وعدم القدره على التفكير او عدم الثقه بمن حولك وصدقنى دى اوحش حاجة ممكن تصاب بيها

بدات حكايتى من وانا عندى 12 سنه اه صحيح نسيت اعرفكم بنفسى انا اسمى حسن عندى 19 سنه من قريه بسيطه اسمها الطيبه زقازيق شرقيه قاعد فى بيتى مع ( عائلتى ) اممم اوووووه اااااااه ليه ليه فكرتونى بالعيله ليه لا اله الا الله لا اله الا الله لا اله الا الله 

ابن خالى يتحدث .. معلش يا جماعه اصل اللى حصله مش شويه ده كويس انه لسه عايش معلش هو هيهدى دلوقتى وهيتكلم اتكلم يا حسن حسن اتكلم يالله اهزم اللى جواك

انا .. بلاش نتكلم عن العائله دلوقتى دورهم لسه جاى المهم زى ما قولتلكم قصتى بدات من وانا عندى 12 سنه تقدروا تقولو عايش فى عزاب واقع وعزاب خيال وكمان عزاب احلام لانى جوايا حاجة انا مش قادر افهمها انا شبه بشوف حاجات قبل ما تحصل قام عنيا واكتر كلمه بسمعها بتتقال ليا ( عرفت ازاى – عمرك اطول من عمرى انا كنت لسه هقول كده ) المهم زاد عليا الاسى لما اكتشفت انى احلامى بتتحقق انا فاكر اول حلم كان عندى 14 سنه حلمت انى فى غابه كبيره جدا لوحدى والغابه دى مش فيها حيوانات لا كلها بنى ادمين وكلهم محروقين والشجر اخضر وكان موجود شجره تفاح فى وسط كل ده انا سيبت كل الناس دى واخدت تفاحه من الشجره ولسه باكل اول حته منها فجأه الشجر اللى كان كله اخضر بقى فحم والناس اللى كانت محروقه صحيت وووانا النار مسكت فيا وكلهم واقفين بيتفرجوا عليا وصحيت من النوم مش فاهم ايه الحلم ده مش فاهم ايه المضمون ايه يعنى انا هتحرق فى مكان عام ومحدش هيلحقنى ولا ايه وجوايا 100 سؤال ملهمش جواب بس بعدها بشهر الحلم اتحقق بس مش فى الواقع اتحقق فى حلم !!!!متستغربش اصلك متعرفش يعنى ايه حلمك يتحقق فى حلم بتبقى اوسخ 100 مره انه يتحقق فى الواقع عدى شهر من بعد الحلم ونمت فتحت عينى لقيت نفسى فى غابه كلها شجر متفحم وناس واقفه كتير ونفس شجرة التفاح موجوده اخدت منها واده واكلتها فجأه الشجر كله بقى اخضر والناس كلها ولعت وانا واقف مش عارف تعكل ايه وفجأه انا كمان النار مسكت فيا وصحيت من النوم مش هقدر اوصف حالتى يعنى ايه الحلم انعكس يعنى ايه وبرضو انا مت فى نهاية الحلمين 

سكت محكتش لحد حاجه هحكى اقول ايه ايه هقول حلمى اتحقق فى حلم هيقولو عليا مجنون المهم عدت سنه وراها سنه وانا على الحال ده احلام منها اللى يتحقق فى الواقع ومنها اللى يتحقق فى حلم وعايش حياتى عزاب فى عزاب بجد بتمنى الموت فى كل لحظه بتعدى عليا وعدت الايام وبقى عندى 19 سنه اه انا نسيت اقولكم انى بخاف من خيالى بس من سنه تقريبا واحد صاحبى قالى انا عندى حل لمشكلتك دى قولتله ابوس ايدك دلنى عليه . قالى فيه واحد اسمه احمد يونس بيحكى قصص رعب كل اسبوع تابعه يمكن الرعب اللى جواك ده يقل !!!

بصتله بقرف وقولتله .... انتا مجنون ولا غبى ولا حكايتك ايه بقولك بخاف من كل حاجة فى حياتى تقولى احمد يونس ورعب قالى .. خلاص يا عم انا غلطان خليك كده بتخاف من خيالك وسابنى ومشى انا فضلت افكر فى كلامه وقولت هيحصل ايه يعنى لو جربت وسمعت يونس كنت مرعوب جدا اول مره بس مع الوقت اتعودت واتاثرت جدا بالشخصيات اللى يونس بيحكيها فى قصصه وعدى عليا سنه وانا بسمع يونس وكان الخوف قليل لانى كنت وسط العائله اه بمناسبه العيله اعرفكم بيهم عائلتى مكونه نت 8 افراد ( عمى ومراته _ والدى ووالدتى _ اخويا محمود _ ابن عمى سيف _ اختى شمس _ وانا ) بدات المأساه الحقيقيه والرعب الحقيقى مع اخر حلم حلمته فى حياتى كلها نمت فى يوم عادى زى اى يوم وحلمت انا كنت قاعد فى بيتنا عادى مع عائلتى وبنضحك وفجأه البيت كله وقع قدام عنيا وبقى رمل والغريبه لما البيت اتهد لقتنى لوحدى وسط صحراء كبيره جدا والاغرب ان الرمله كانت بتتجسد على هيئة اشخاص وكلها بتضرب فيا الا شخص واحد مين اخويا محمود واقف بيتفرج على الرمل وهيا بتضربنى وصحيت من النوم جالى شعور ان الحلم ده مش زى اى حلم فيه حاجة غريبه وقولت مش هسكت لازم اعرف تفسيره مش هستنى يتحقق اتصلت بصاحبى الوحيد واتفقنا على ميعاد نروح فيه لشيخ معروف عندنا فى البلد وبالفعل روحنا دخلنا وحكيت للشيخ كل اللى حصل فى الحلم بصلى وزعق فيا جامد وقالى .. اطلع بره 

انا اتصدمت وقولتله . نعم قالى . اطلع بره بقولك 

طلعت جرى عينيه كانت بتطلع شراره بس انا معملتش حاجه انا حكيت الحلم بس قولت لا رد فعله قلقنى وعرفت ان فعلا الحلم ده مش زى اى حلم ... لا لا لا استنو ده شبه اول حام انا حلمته فرينه الشجر والناس ايه ده يعنى اول حلم فى حياتى هو اخر حلم يعنى انا خلاص هموت اخدت صحبى وروحنا لشيخ تانى وتالت ورابع وكان نفس رد الفعل كل مره .. اطلع بره .. مش عارف كانو بيعملو كده ليه بس كل ده اتغير لما روحت لوحدى لشيخ مشهور جدا وحكيتله حياتى كلها من اول حلم لاخر حلم وكان رد فعله مختلف تماما بص فى عنيا وقالى ( انتا بتصلى يابنى ) الصراحه زى ما يكون لسانى اتقطع معرفتش ارد عليه لانى علاقتى بربنا ضعيفه رغم ان المفروض يكون هو اهم حاجه فى حياتنا كلنا . اتكلمت بصوت واطى وقولتله هو انا هموت 

رد وقالى بص يابنى القدر ده حاجه موجوده عند ربنا وبس مفيش اى شىء فى الدنيا بيغيره وااللى مكتوبلك هتشوفه وانتا على حسب ما حكيت انك واجهت خوفك بانك تسمع قص رعب يبقى كل اللى اقدر اقولهولك يابنى واجه حلمك بالواقع ولو لينا عمر ان شاء الله هنتابل تانى خرجت من عنده وانا حاسس احساس واحد بس انه كان يقصد يقول لو ليك عمر هنتقابل تانى 

روحت البيت وكان يوم ثلاثاء فاجاتنى العائله انهم رايحين اسكندريه بكره وهيرجعو يوم الاثنين وانا طبعا رفضت انى اروح معاهم بحكم انى ورايا مذاكره وجامعه المهم سافرت العائله والمفروض انهم هيرجعوا يوم الاثنين الفجر عدى الاسبوع عليا وانا لوحدى منتظر اى حاجة تحصل مفيش حاجة حصلت وجه يوم الاثنين وجه الميعاد المنتظر مع احمد يونس اول مره اسمعها لوحدى وبدات القصه وبدات معاها قصتى كان اليوم ده يونس بيحكى قصه اسمها ( التى الكاتبه ) وسمعت القصه وانا عمال ابص واليا وورايا وقدامى ويمين وشمال وخلصت القصه وكل الناس بتبقى فى قمه الاستمتاع الا انا كنت فى قمة الرعب . 

المفروض ان انا سهران علشان اكون فى استقبال العائله اللى جايه الساعه 5 الفجر قررت انى هسمع فيلم على ما ييجو روحت المطبخ اجيب اى حاجه اشربها لزوم السهره بقى وانا فى طرقى للمطبخ النور قطع 

فى اللحظه دى انا قلبى اصلا مبقاش فيا وافتكرت كل حاجه فى القصه الاله اللى بتكتب لوحدها وانا مش شايف اى حاجه فضلت احسس لحد ما وصلت للتلاجه وفجاة حد فتح النور ... مين محمود اخويا ؟ هو النور مش قاطع يا محمود ولا ايه 

رد محمود وقالى ... لا النور شغال اهوه 

بصيت فى طرقه الشقه لقيت البيت كله مضلم الا المطبخ هو بس اللى موجود فيه نور ومره واحده رفعت عينى فى مومود وسرخت فيه جامد ااااااااااااااااه وفضلت واقف مكانى متجمد وقولت برعب ننننننور ايه هو انتا مش مسافر معاهم ... 

رد وقالى ايوه مسافر معاهم 

قولتله املا واقف قدامى ازاى كده 

معرفش جبت جرءه منين طلعت تليفونى واتصلت بمحمود اخويا اللى واقف قدامى اللى المفروض مسافر وكانت الصدمه لما محمود رد عليا 

انتا فين يا محمود ؟ ايه يا حسن مالك احنا فى الطريق وجاين اهوه قدامنا ساعتين بالظبط ونطون عندك فى البيت 

قفلت مع محمود اخويا النليفون اللى جاى فى الطريق واللى فى نفس الوقت واقف قادمى ؟ 

ومره وحده سرخت فيه وقولتله قولى حالا انتا مين 

بصلى وقالى .. حسن انا مش عايز تقزلك على اللى هيحصل للعيله لانى عارف انك بتخاف من خيالك وانتا قاعد فى البيت لوحدك واحمد ربنا انى جتلك دلوقتى يمكن ربنا باعتنى ليك علشان احزرك 

تحزرنى تحزرنى من ايه انا فى البيت لوحدى ..

قالى احزرك من سيف ابن عمك انتا عارف انه بيكرهك من زمان ونفسه يخلص منك وللاسف جتله الفرصه دلوقتى حسن ارجوك خد بالك من نفسك سيف جايلك دلوقتى 

واختفى محمود ومعاه النور قطع وابتديت اسمع اصوات مرعبه صويت وصراخ وعياط وحاجات كتير حواليا انا حاسس بيها وناس بتشدنى وانا كل اللى بعمله واقف مكانى بدعى ربنا ياخدنى وبدون اى مقدمات النور جه 

بس المره دى انا مكنتش فى المطبخ انا لقيت نفسى فى الحمام ايوه فى الحمام وحد واقف قصادى وبيقولى ده احسن مكان ممكن اوريك فيه الويل دا انتا هتشوف ليله سودا 

مين سيف حرام عليك انا عمرى ما ازيتك انا بعمل معاك كل خير 

سيف .. اه بأمارة اخر خير عملته فيا انك كنت السبب انى افقد دراعى 

قولتله سيف كان غصب عنى انا كنت بقفل الباب انتا اللى حطيت ايدك واتقطعت 

بصلى وقالى . انا عمرى ما هسامحك واعمل حسابك ان دى هتكون اسود ليله فى حياتك ده لو عيشت بعدها 

وفجأه لقيت نفسى فى مكان ضلمه باين منه يادوب نور بسيط اووووى ولقيت موجودبيبان كتير كل ما افتح باب اشوف ناس ميته افتح باب تانى الاقى حاجات من كل ناحيه بتضرب فيا جامد اوى والنور ييجى لحظه واشوف ابشع مناظر ويقطع تانى انا مكنتش عايزه ييجى اصلا علشان اللى بشوفه قدامى لحد ما وصلت لاخر باب فتحته عند الباب ده خلاص قلبى وقع بقيت واحد ميت والجسد بس هو اللى موجود من المنظر اللى شوفته قدامى ناس كتير دراعتها مقطوعه وصويت وسيف واقف فى وسطهم وبيقولى 

شوف للى انتا عملته فيا جرب ولقيتهم بيقوبوا ليا وانا واقف مكانى خلاص ايوه انا عايز اموت واول ما وصلولى غمضت عنيا ثوانى وساعتها حسيت بحد شدنى ولقيت نفسى فى المطبخ وامى بتقولى اعملك اكل . انا مش عارف ارد مش عارف اللى بيحصل ده اسمه ايه مش فاهم حاجه وبصيت لها باستغراب ودماغى فيها مليون حاجه وقولتلها اكل اكل ايه هو انتى مين هو ايه اللى بيحصل 

بصتلى وقالت .. ده نصيبك واحمد ربنا اننا جمبك

ولسه مكملتش كلامها حسيت بحاجه مسكتنى من ضهرى ونار قايده فى ضهرى ايه هيموتنى لا بيشدنى للاوضه اللى جمب المطبخ ااااااااااه الصرخه دى متوصفش حجم بشاعة المنظر اللى شوفته قدامى اختى شمس بتعيط والاوضه لونها احمر ونتغرقه بالدم روحت نحيتها ولمستها صرخت فى وشى ورفعت وشها فى وشى انا مقدرتش اصرخ لانى مش قادر افتح بقى ملامح وشها اصلا مش موجوده وشها كله متشوه محروق والتفكير هيقتلنىونفس الايد مسكتنى من ضهرى تانى ومش عايز ابص ورايا لانى عارف هشوف ايه ومش عايز اواجهه وكالعاده شدتنى على الاوضه التانيه شوفت منظر ابشع من اللى قبله عمى ومراته نايمين على السرير وميتين ورجليهم مش موجوده حد قطعها وانا بعلو صوتى يارب خدنى انا مبقتش قادر انا مش عارف ايه اللى بيحصل ده وقررت انى اموت نفسى علشان اخلص من اللى انا فيه مفيش حل غير كده جريت على المطبخ وجبت سكينه وفجأه جالى محمود قالى انتا بتعمل ايه ..... مقدرتش ارد قالى انتا مستنى ايه سيف جايلك دلوقتى هيموتك اتصل بعبد الله ابن خالك ييجى يمكن لما ييجى حاجه تتغير قالى الكلمتين واختفى 

بسرعه طلعت تليفونى واتصلت بعبد الله تعا تعا تعلالى بسرعه انا بموت وقبل ما التليفون يقع من ايدى رن رقم غريب لا ده رقم محمود 

قولت بصوت ضعيف جدا .... الو 

واحد رد عليا وقالى ايوه استاذ حسن استاذ حسن يا استاذ حسن انتا المفروض عيلتك كلها كانت فى اسكندريه وجايه دلوقتى للاسف يا استاذ حسن العربيه اتقلبت وعيلتك كلها ماتت 

صرخت فيه وانا بعيط وقولتله انتا بتقول ايه انتا كداب 

قالى استاذ حسن انا مش سامعك كويس اسمع الكلام اللى هقولهولك ده انتا عيلتك مكونه من سبع افراد بس فيه حاجه غريبه اللى موجود هنا 6 بس استاذ حسن علشان مطولش عليك لما العربيه اتقلبت الناس اترعبت طلعنا نجرى لقينا كل اللى فى العربيه ماتو الا واحد اسمه محمود وقالنا ان العربيه فيها 7 اشخاص وقالنا اسمائهم كمان بس الغريب بقى ان فيه واحد اسمه ايوه اسمه سيف للاسف يا استاذ حسن جسته مش موجوده وللاسف كمان اخر حاجة قلهالنا محمود اننا نتصل بيك ونعرفك وبيقولك خد بالك من نفسك ومات .

فى اللحظه دى انا وقعت من طولى محستش بنفسى غير وانا فى المستشفى وعبد الله ابن خالى جمبى وعرفت منه انى كنت فى غيبوبه وعرفت منه كمان ان العائله كلها ماتت فى حادثه وطلعا هو قام بالازم وعمل اجراءات الدفن وكمان عرفت منه ان جثة سيف مش لقينها لحد انهاردا اه فيه حاجه كمان نسيت احكيها ليكم اصلى مقلتلكوش لما سيف اخدنى فى المكان اياه والناس اللى دراعتها مقطوعه قريب منى 

قالى .. هجيلك تانى يا حسن وهعزبك بابشع الطرق وعزابى هيكون شديد ومش هتشوف يوم راحه من بعغد انهاردا ده لو عيشت بعدها ومش هتشوفنى تانى يا حسن 

وفعلا كلامه اتاكد لان جثته مش لقينها .... 

عارف انكم مستغربين وهتستغربو اكتر لما تعرفو انى كنت بحلم 

ايوه كنت فى حلم ده كله كان حلم من ساعت ما سمعت قصة يونس نمت قبل ما اروح المطبخ ولسه صاحى حالا وانا دلوقتى قاعد فى الشقه وبكتب القصه 

ايه ده تليفونى بيرن ... الو 

محمود ايوه يا حسن احنا جايين فى الطريق كلها ساعتين وهنكون عندك فى البيت .. هههههههههه . اه بضحك لان اللى حلمت بيه كله هشوفه دلوقتى قدام عنيا اه هشوفه تانى هشوف كل اللى شوفته فى الحلم ياريت حد من اللى بيسمعنى يلحقنى دلوقتى معاكم العنوان بس مش هتلاقونى فى البيت اكيد هكون فى المستشفى وبرضو نهايتى هتكون انى هستنى سيف يجيلى ويبخلصنى من اللى انا فيه سلام بقى هروح اواجه مصيرى هروح اجيب حاجه من المطبخ ايه ده النور قطع .......... انتهت