الاستدعاء الجزء الرابع والاخير

الاستدعاء الجزء الرابع والاخير

الى ما تبعش الاجزاء الى فاتت هيلاقيها فى اول كومينت

وصلنا الجزء الى فات لمة روحت للشيخ راضى وقبل لما اتكلم فى اى حاجة كان عارف اسمى معرفش ازاى قالى اتكلم قول مشكلتك قولتلو انا مشكلتى اخرتها الموت قال هى مشكلتك صعبة اوى كدة قولتلو جدا حكتلو على كل حاجة انا كنت بتكلم وهوا مش بيرد عمال يسمع بس لحد ما خلصت قال بص انت هترجع الشقة تانى انت و صحابك وهتقراء ايات فى القران معينة هقولك عليها مهما شفت ياعلاء اوعى توقف عن القراءة قولتلو استنى بس ازاى اروح الشقة تانى وكمان انا فى واحد من صحابى مات قالى انت لو عايز توصل لثروة كبيرة هتعمل اية قولتلو شغل وطموح وشوية حظ قالى لا مش حظ الطموح والشغل هما الى بيجيبو الحظ وبعدين حاول قولتلو احاول اية انت فاكرنى رايح امتحان قالى اه امتحان ولازم تنجح فية انت فشلت فى الاول بسبب خوفك وبعدين انت بتصلح غلطك انت وصحابك قالى الصندوق الى طلعت منة الورقة هاتة وولع نار فى مكان الدائرة الى كان جواها الصندوق الشيخ قال قرب ياعلاء قربت منة قالى انزل على الارض نزلت على رجلى حط ايدة على دماغى وفضل يقراء حوالى ربع ساعة حسيت بتنميل فى دماغى قالى انت روحت الشقة امتى بالظبط قولتلو يوم الاثنين قالى روح فى نفس اليوم ونفس الوقت بشرط يكون معاك اصحابك قال ياشيخ عبد الحميد انت عارف طبعا هتعمل اية قالو عارف ياشيخ الشيخ عبد الراضى ادانى ورقة وقال افتحها لمة تروح الشقة فيها الايات الى هتقولها قولتلو طيب احنا انهردة السبت مفيش خطر علية لحد يوم الاثنين ابتسم وقال انت خايف تموت يعنى لو هتموت فعلا كنت موت من بدرى متخفش الشيخ عبد الحميد قال يلا نمشى احنا بئة نمشى قولتلو يلا الشيخ راضى قال ياعلاء ماتنساش دة اختبار ولازم تنجح فية قولتلو ان شاء الله انجح فية ومشيت بس عمال افكر ازاى هقنع صحابى انهم يجو معاية الشقة صعب انى اقنعهم وانا راكب العربية بدأت اشوف الراجل الى كان بيقطع فى وشة لكن المرة دى كان بيجرى غريبة هوا بيجرى لية طلعت الموبيل واتصلت ب اسلام اقولتلو بقولك اية يا اسلام قابلنى الساعة 6 على القهوة اتصلت بمحمود وخالد برضة لكن خالد قالى لاكفاية الى حصلى من تحت راسك انا مش معاك فى اى حاجة تعملها وقفل السكة خالد اهم عنصر لان الشقة فى بيت جدة وهوا الى هيطلعنا الساعة 6 اسلام ومحمود قابلونى على القهوة حكتلهم على كل حاجة وافقونى بسرعة على الطلب لانهم مش بأديهم حاجة تانى حياتهم كدة كدة متدمرة بسبب الموضوع دة محمود قال طب وخالد قولتلو متقلقش سبهولى انا المهم بكرة نتقابل قبل المعاد الى روحنا فية قومت مشيت روحت البيت وكنت عمال افكر فى بكرة فضلت قاعد لكن الغريب ان مفيش حاجة بتحصلى مفيش حاجة بتطلعلى مفيش باب بيتقفل استنيت لغايت ما اذان الفجر اذن وصليت ونمت تانى يوم صحيت الساعة كانت 3 العصر لبست هدومى وروحت عند خالد خبط على الباب جدة فتحلى قالى انت تانى انت لسة عايش قولتلو اه وجى انهردة اخلص الموضوع دة قالى ازاى قولتلو عايز خالد الاول قالى طب خش دخلت وقعدت قولتلو بص يا خالد الكلام قدام جدك حكيتلهم على كل الى عملتة انى روحت للشيخ وكدة جد خالد اقتنع لكن خالد ما اقتنعش وكان خايف جدة قالة هتروح معاة غصب عنك انت لازم تخلص من الحكاية دى خالد فضل يقول مش كفاية الى حصلى بسببة قولتلو كلنا كنا فى الشقة مترميش التهم على حد اتصلت بالشيخ عبد الحميد وقولتلو تعالى واتصلت بصحابى اتجمعنا كلنا فى بيت خالد الشيخ عبد الحميد قال انا مش هدخل الشقة انا هستنى برة وانتم هتخشة خالد رد قال لية يا شيخ خايف ولا حاجة الشيخ رد قالة هتعرف لية بعدين جد خالد قال للشيخ احنا من بعد الى حصل واحنا بنسمع اصوات و حجات بتتحرك فوق الموضوع شكلة اتطور فوق اوى الليل ليل وقبل ما نطلع فوق الشقة قولت للشيخ عبدالحميد انا امبارح نمت عادى ومحصليش حاجة قالى الشيخ راضى حصنك قالى بس فوق خلى بالك من نفسك كان معاية الورقة و جاز وولاعة علشان الديرة الى هولع فيها دخلت انا وخالد و اسلام ومحمود الشيخ قال انا هقفل الباب خالد قال كمان هتقفل الباب قولت لخالد بطل خوف بئة ولعنا الكشاف ودخلنا والباب اتقفل يا اما نرجع يا اما نموت جوة دخلنا كانت الشقة رائحتها حد ميت فيها بدأنا نسمع صوت خربشة على الحائط نورت النور على الحائط لقيت اسمائنا مكتوبة ومكتوب تحتيها قدم القربان قولتلهم هنخش الغرفة الى فيها الصندوق قربنا من الغرفة وفتحنا الباب لقيت الصندوق بس الصندوق مقفول قربت من الصندوق محمود قالى انت هتفتح الصندوق تانى قولتلو احنا فتحناة قبل كدة فتحت الصندوق لقيت جوة الورقة الى كانت موجودة اول مرة وكمان نفس الكلام قلت لخالد انت مش جدك خد الورقة قالى اه محمود قال سمعين الصوت دة قولتلو صوت اية قال اسمع بس سمعت فعلا الصوت محمود قال دة صوت فتحى خالد قال انت اتجننت فتحى ميت لكن انا سمعت الصوت فعلا صوت فتحى قولت لاسلام يلا بسرعة ولع فى الدائرة بسرعة اسلام ولع رمة الجاز وجى لسة هيولع النار مسكت فية محمود قلع التيشرت و فضل يطفى الناس الى مسكة فية لكن انا لمحت حاجة دخان طالع من كل حتة قولت لمحمود الحق اية دة بدأ الدخان يتجمع ويكون شكل بنى ادم وفاجأة فى ثوانى الدخان طار دخل فى جسم خالد خالد لقناة وقع على الارض وجتلة حالة تشنجات وشعرة بدأ ينزل دم محمود قالى لازم نخرج بسرعة من هنا قولتلو وخالد واسلام قالى هنموت قولتلو مش خارج من هنا قام سبنى وجرى بدأ الدخان يطلع تانى و يتجمع كأنة المرة دى هيهجم علية لكن طار دخل فى اسلام وحصلة نفس الى حصل لخالد مسكت خالد سحبتة على الغرفة قبل ما الدخان يتجمع تانى دخلت وقفلت الباب طبعا الدنيا ضلمة جوة ولعت كشاف الموبيل وسلطة على الباب وحولت افوق خالد لكن فاقد الوعى خالص سمعت صوت صرخة اسلام اكيد خلص على اسلام ودخلى فضلت باصص على الباب وقاعد مسلم نفسى لان مفيش مهرب بدأ الدخان يطلع من تحت الباب وبدأ يتكون انا قولت خلاص نهايتى سمعت صوت همس فى ودنى بيقول الورقة ايوة الورقة الى ادهالى الشيخ راضى طلعت الورقة لقيت مكتوب فيها ايات وبدأت اقولها بصوت عالى بدأ الدخان يرجع للوراء وانا كنت مستنى اللحظة دى جبت الجاز ورميتة على الدائرة وولعت سمعت صوت الباب الى برة بيتكسر لقيت جد خالد والشيخ عبد الحميد جد خالد كسر ازاز الشباك بأيدة ومسك ازازة مكسورة وضرب نفسة لقيت الدم الى على ايدة قام رماعة على الدائرة بدأ الدخان يتلاشى بدأ الحائط يتخربش جامد وكأن حد بيحفر فى الحيطة والنار بتمسك فى كل حاجة خرجنا بسرعة الشقة كلها اتحرقة بس الصندوق متحرقش عرفت بعدين ان الصندوق راح للشيخ راضى خالد واسلام راحو المستشفى وبقو كويسين لكن الحاجة الى مكنتش عرفها وعرفتها بعدين لية جد خالد لمة رمة الدم على الدائرة الدخان تلاشى بسبب ان كان مطلوب قوربان وكان دم جدة هوا القربان انتهت القصة