ليالي مرعبه

شقه جميله اوى زى الحلم بلظبط النور داخلها من كل ناحيه.الشبابيك والحيطان زجاج ابيض شفاف والديكور مكانش محتاج اى تعديلات .ستائر حرير فرش مودرن .مطبخ امريكانى حمام سوبر لوكس

الشقه كلها فرصه محدش يرفضها .بس كان لازم نرفضها .او علي الاقل نسأل شقه تحفه زى دى ويكون اجارها بيسيط .وازاى صاحبها ما اخدش ممنا ايجار الا لما نرتاح فيها علي الاقل شهر
لكن الظاهر ان الشقه خدعتهنا بجمالها وقولنا فرصه مش هتتكرر
وعدى اول يوم كله بهجه وسعاده ونور ربنا محاوطنا من كل ناحيه
حتى الليل كان تحفه موقع الشقه في الدور ال14 كاشف البحر وتحس انك قريب من السماء وقادر تلمس النجوم ونمنا واحنا في

منتهى السعاده .
الليله الاولي
مش عارفه ايه الي خلانى اقلق .بس من اول لحظه فتحت عينى فيها اخدت بالي من الضلمه الغريبه الي حواليه لدرجه انى مكونتش شايفه ايدى .قولت يمكن النور قطع ،نورت كشاف الموبايل وقمت قاصده المطبخ عشان اشرب كانت الساعه حوالي 2amوصلت للمطبخ بس لاقيت الثلاجه شغاله عادى .حاولت مشغلش بالي لكن وانا في طريقي لغرفه نومى حسيت هواء ساقع عدى من وراء ظهرى بسرعه شديده يمكن ثانيه .لكن كانت كفيله برمى الرعب في نفسي خلانى اجرى رغم الضلمه الحالكه دى واستخبي في حضن جوزى .الي أثار استغرابي
جوزى نومه خفيف الا انه محسش بيه نهائي وفضل نايم عادى جدااا
والحمد لله طلع النهار . انا مكنش عندى مشكله في النهار لكن الليل بدأ يبقي مشكله من اول ليله خصوصا انى هبات لوحدى اسبوع كامل الشقه نظرا لظروف عمل جوزى
استقبلت الليله التانيه وانا لوحدى

صليت فروضي وقرأت القرأن واستسلمت للنوم وكانت الساعه تشير 12am بس المره دى حرصت علي اضاءه الانوار كلها واستعذت بلله من الشيطان الرجيم ونمت
الي ان حسيت ببرودة في الغرفه برغم شده حراره البلد الي كنا فيها
صحيت عشان اقفل المكيف .بس اتفجأت لاقيتها واقفه ادامى في اخر السرير .هى ايه ؟ مش عارفه بلتحديد لكن كان ضوء القمر يكفي انى استوضح بعض المعالم
سيده طولها متوسط .شعر اسود طويل .فستان ابيض نص كم لكن مافيش ملامح واضحه .استمر الموقف حوالي نص دقيقه قبل ما تأخذ قرار بمغادرة الغرفه .زطبعا حالتى مكانش ليه وصف غير انى في حاله شلل تام
بمجرد خروجها وبدون اى كلمه فقدت وعى وفقت علي ضوء الشمس
قومت مخضوضه جريت زى المجنونه بدور في الشقه علي اثر لحد كان موجود او اى اثر لاقتحام الشقه بس دا كان شئ مستبعد لاننا في الدور 14 .ساعتها حسيت براحه وجه في بالي انه مجرد كابوس
اه دا كابوس مرعب
اكيد كابوس
الليله الثالثه
مع حلول الليل بدأ قلبي ينقبض .صليت العشاء والسنه وركعتين الوتر واقامه الليل وقرأت القرأن وأستعذت بلله من الشيطان الرجيم وحاولت النوم
دقه الساعه 12 am بدأ الظلام الغريب رغم ان في انوار في الشقه الآ انها بدأت تبقي ضعيفه ونورها باهت .حتى التكييف كمان بدأ يخرف وتذداد البروده مع خفض في الاضائه أستمر الوضع دا من بعد 12 am الي 2am
بدأت اسمع حركه في الصاله وكأن شخص بيمشي بخطوات بطيئه لكن مسموعه .وبعد شويه سكتت الخطوات دى بعد ما استمرت حوالي 15 دقيقه متواصله .فكرت في اكثر من حاجه عشان مخوفش نفسي .لكن الخوف رجع تانى برجوع الخطوات لكن المره دى في المطبخ وصاحبها نبش في الادراج والمعالق والكبايات وضوضاء شديده .

كل دا وانا قاعده في سريري خايفه وحاطه ايدى علي ودانى عشان مسمعش الخبط او الخطوات المرعبه دى
لحد ما هدئ كل شئ مرة واحده زى ما بدأ مرة واحده .قررت اقوم من مكانى اشوف ايه الي بيعمل كدا .لكن ملاقيتش حاجه كل شئ طبيعى وكل حاجه في مكانها .حمدت ربنا وقولت ارجع تانى لغرفتى بس مقدرتش .مقدرتش اتحرك من مكانى
كانت واقفه في ظهرى ملحقتش اتلفت لانى وقعت علي الارض فاقده للوعى
اليوم الرابع
صحيت الصبح وانا حاسه بصداع شديد جدا .بصيت حواليه لاقتنى في غرفتى وسمعت صوت في المطبخ .بدأ الخوف يرجع تانى لحد ما اتفتح الباب ودخل عليه الاوضه
الحمد لله الحمد لله الحمدلله .كان جوزى المرة دى
قمت جريت عليه وأترميت في حضنه وبدأت ابكى بشكل هستيري .حاولت احكيله لكن لاقيته بيقولي انتى الي قلبك خفيف أيه الي يخوف في شويه مواسير قديمه مصديه بتعمل صوت مع مرور الميه جواها .عادى يا حبيبتى مافيش حاجه تخوف
أكتشفت انه بيتكلم في حاجه وانا بتكلم في حاجه تانيه خالص ,مادانيش اى فرصه انى احكيله علي الي حصل معايا .وبدأ يوضب حاجته عشان يرجع شغله تانى اصله مهندس ولازم يبات في الموقع
ومشي وسابنى .سابنى لوحدى مع الخوف والغموض
قررت اعرف الحقيقه بنفسي .مكانش حد هيفيدنى غير واحد بس
(صاحب الشقه ) اكيد هو الي يعرف دى مواسير ولا حاجه تانيه
اتصلت بيه لكن للاسف ردت عليه السكرتيرة بتبلغنى انه مسافر ومش عارفه هييجى امتى ومكانش معايا رقم بيته .حاولت اتكلم مع الجيران عن اى تاريخ للشقه دى .لكن لاقيت ان مافيش غيري انا وكام جاى كلهم من بلاد غريبه محدش يعرف التانى .مكانش ادامى غير انى انتظر
انتظر الليل وأواجه خوفي بنفسي
الليله الرابعه
قعت مكانى استنى الليل .دقه الساعه 12 بعد منتصف الليل .ولعت كل الانوار وانتظرت .......وانتظرت .........الي مايقرب من الساعه والنصف .غلبنى النوم .الا انى صحيت علي نفس البروده الشديده خصوصا انى نمت في الصاله الي شافت الخطوات المرعبه الليله الي

فاتت
صحيت من النوم وانا شايفه خيال بيتحرك حركات عشوائيه وكأنه طاير في الهواء
بشوفه علي الحيطان والسقف والارضيه والمرايا وبعد شويه اختفي
بعدها علي طول سمعت صوت الخطوات .نفس الخطوات بنفس التقل وصوت ترقعه عظام كانها بتتكسر مع كل خطوه .فجأه ظهرت ادامى وجها لوجه .قررت اواجه خوفي فضلت بصالها بحاول اوصل لاى ملامح او اى علامه او اى حاجه اعرف منها اى شئ
قررت أسئلها
انتى مين ؟؟ عاوزة ايه ؟؟؟
لكن مجاش رد .سألتها تانى
أنتى مين ؟؟ وعاوزة ايه؟؟؟ ماتكلمتش بس شاورت بصوابع ايدها الي بطرقع بصوت مخيف .ناحيه اوضه نومى
وبدون تفكير منى جريت ناحيه الاوضه .دخلتها لكن مكانش فيها حاجه تلفت النظر في لحظه ما قررت الخروج من الاوضه الباب اتقفل بسرعه واتحبست جوة الاوضه للصبح .
اتعودت ان النهار مافيش فيه مشاكل .لكن الليل بيحصل فيه حاجات كتيرة .لدرجه انى بقيت استنى الليل أحساس منى ان في لغز غريب
واحساسي كان بيقوى كل ليله .والي عملته الليله الي فاتت عملته الليله دى
الليله الخامسه
في نفس المعاد وبدون كلام كتير او تفاصيل ظهرت .بس كانت مختلفه في المرة دى .ظهرت عند باب الشقه كانت قاعده علي الارض دافنه راسها في كفوف ايديها .كأنها بتبكى وكانت بتتكلم لكن معرفتش افهم اى كلمه
قربت منها بحذر شديد رغم انها متحركتش من مكانها .ببطء شديد بدأت ترفع راسها لفوق .لحد ما وصلت عينيها المخيفه في عنيه مباشرة
الدم كان مالي هدومها .كانت مذبوحه بشكل مريع لدرجه ابكتنى اكتر ما خوفتنى .سألتها مين الي عمل كدا ؟؟؟
شاورت بنفس الطريقه لاوضه نومى .بمجرد ما نظرت للغرفه اختفت هى تماما .رحت لغرفه نومى أنتظرت يمكن تظهر تانى .لكن مظهرتش
بس سمعت صوت ضحكات غريبه كانها جايه من بعيد .لكن قدرت اميز الاصوات .صوت رجل وأمرأه .ضحكات وهمس ثم صراخ وعويل وتكسير اشياء .استمرت حوالي ساعه .ثم هدئ كل شئ وكأن شئ لم يكن .بدون اطاله تكررت نفس الضوضاء في الليله السادسه .ودا الي ادانى احساس انه مش شبح واحد دا اكثر من شبح
انا ساكنه في بيت أشباح
الليله السابعه والاخيرة
في نفس المعاد ققرت انهى هذا الكابوس من غير خوف او تردد .وقفت في نصف الصاله وندهت
انتى فين ؟؟ انتى مين ؟؟ مين الي قتلك ؟؟
انتى مين ؟؟ انتى فين ؟؟ مين الي................................
ملحقتش اكمل السؤال .بدات اصوات ضحك عالى جايه من غرفه نومى .جريت علي الاوضه ,وشوفت الي مكونتش شفته قبل كدا
رجل في العقد الرابع من العمر وأمراه في العقد الثانى ,كانوا بيضحكوا ويتهامسوا .فجأه ظهرت أمرأه اخرى في العقد الثالث .لها نفس مواصفات الشبح الي كنت بشوفه
نفس الطول نفس الشعر الاسود نفس الفستان الابيض .حصلت مشاده بين الرجل والمرأه .في الوقت الي ظهرت فيه المرأه الثانيه في حاله انزعاج شديد وكأنها بتحاول تمشي من المكان .ودا الي رفضه الراجل بشده ,وبدأ الشجار والصراخ والضوضاء وكلام غير مفهوم
والسؤال الي جه في بالي .ايه علاقه الثلاته ببعض ؟
وفجأه ظهرت ثلات جثث في المكان .
المرأه الاولي مذبوحه
المرأه الثانيه مخنوقه
والرجل مشنوق
اما انا ففقدت وعى من هول الكارثه . الي ان جاء من يكمل الحلقه المفقوده في الجريمه البشعه دى .
(صاحب الشقه) طلب منى انى اروحله مكتبه .طبعا بعد ماوله خبر انى اتصلت بيه .وهو كان عارف انا اتصلت بيه ليه .طبعا عشان الشقه .
رحت المكتب وقابلي .وقبل ما أبدأ كلام سبقنى وقالي انا عرف حضرتك عاوزانى ليه .سبينى احكيلك
انا مش صاحب الشقه .انا وريث .صاحب الشقه الاصلي هو اخويه .مات مشنوق .شنق نفسه خوفا من الفضيحه لكن للاسف الفضيحه حصلت بردو
سئلته ممكن توضح اكتر
قال ... اخويا شنق نفسه بعد ما قتل زوجته الي شافته في وضع مخل مع زوجه احد اصدقائه وهددته بفضح امرة خصوصا انه عمل كدا في شقه الزوجيه ومعملش اعتيار لاى عشرة او حرمه .وخوفا منها قام بذبحها .لكن اتضح ان كان في شاهد علي الجريمه .عشيقته ...
خنقها عشان مكانش مصدق انها مش هتتكلم .وبعد ما قتل الاتنين قعد يبكى وعرف انه هيتفضح اكيد .فقرر انه ينتحر .فقام بشنق نفسه خوفا من السجن والعار في نفس الوقت ..
اما انا فكتفيت برمى مفتاح الشقه لصاحبها الجديد وخرجت من غير ولا كلمه
تمت بحمد لله